കവിത :ഇതാണ് പ്രബുദ്ധലോകം
കവിത
.......... .....
ഇതാണ് പ്രബുദ്ധലോകം
..................... ........................
അരുതെന്നു ചൊല്ലുവാൻ
ബുദ്ധനെത്തീടുകിൽ
ബുദ്ധനേയും ഇവർ ചുട്ടു കൊല്ലും
ബുദ്ധനിൽ നിന്നിവർ
എന്നോ അകന്നു പോയ്‌
ബുദ്ധിയില്ലാത്ത പിശാചുക്കളായ്
പച്ച മനുഷ്യരെ
ചുട്ടു കൊല്ലുന്നിവർ
ചുടലക്കളങ്ങളിൽ നൃത്തമാടി
പ്രാകൃതരിൽ പ്രാകൃതർ
ഇവരല്ലയോ
പ്രാകൃതന്റെയുധവും
അഗ്നിയല്ലേ
മാംസ ഗന്ധം ഏറ്റു
തലകുത്തി വീഴുന്ന
ബുദ്ധൻറെ പ്രതിമകൾ
കണ്ടുവോ നാം
പ്രബുദ്ധ ലോകം കണ്ടു
മൗനം ഭുജിക്കുന്നു
അഹിതരായ് മാറിയൊ
ഇരകളിന്നും
ഇരയുടെ തേങ്ങൽ
കേൾക്കാൻ മടിച്ചവർ
ശ്രവണേന്ദ്രിയങ്ങൾ
അടച്ചു വെച്ചു
മാധ്യമ ഭീകരർ കണ്ടതില്ല ,
ഒന്നും കേട്ടതില്ല ,
അവർ മിണ്ടിയില്ല
പാഴ്ച്ചെടികൾ
വൈലേറ്റു വാടി വീണാൽ
ആയിരം വരിയുള്ള
കവിത എഴുതും
വേട്ടയാടുന്നവനു
കൂട്ടു നില്ക്കാൻ
ഉടു മുണ്ടും വിറ്റിവിടെ
സിനിമ ചെയ്യും
കണ്ടതില്ല ,അവർ കേട്ടതില്ല
ഇരകൾ അവർക്കിന്ന്
അഹിതരാണ് .
സുലൈമാൻ പെരുമുക്ക്
sulaiman perumukku പോസ്റ്റ് ചെയ്തത് @ 10:36 AM
14 അഭിപ്രായങ്ങള്‍
