2017, ജൂലൈ 24, തിങ്കളാഴ്‌ച

വല്യുമ്മ


വല്യുമ്മ
~~~~~~
ഒരു ചെറു പുഞ്ചിരി
പതിവായി ചുണ്ടിൽ
കൊണ്ടു നടന്നൊരു
നൂറ്റാണ്ടുകാലം.
ഒരു ചെറു കറുത്ത
കുത്തു പോലും
ഒരിക്കലും ആരിലും
തീർത്തതില്ലാ!
വാർദ്ധക്യ
ചിന്തകൾ ഇല്ലതെല്ലും
എന്നും സ്നേഹ,
വാൽസല്യം
ചൊരിഞ്ഞുതന്നും.
മക്കളായ് ഒട്ടുപേർ,
മരുമക്കളും പിന്നെ
പേരക്കിടാങ്ങളും പൊൻപൂക്കളും!
മാധുര്യമേറുന്ന
പൂന്തണലിൽ പുണ്യം
പെയ്തിറങ്ങീടുന്ന
സ്വർഗമാണ്.
കൂടുമ്പോൾ
ഇമ്പം തുളുമ്പും കുടുംബം
ശതപത്മ ജന്മത്തിലും മേന്മയായ്!!
പുണ്യമാണ്
പൂങ്കാറ്റുപോലെ,
പുലരി പോലെ,
പൂനിലാവു പോലെ.
വല്യുമ്മ
വാർത്തിങ്കൾ
പോലെ എന്നും നെഞ്ചിൽ
തെളിയുന്നു
നറുമണം തൂകിടുന്നു!
ഒരു ധന്യ ജീവിതം
പിരിയുമ്പൊഴും ചൂണ്ടിൽ
പുഞ്ചിരി ചാലിച്ചു വെച്ചിരിപ്പൂ!
പ്രാർത്ഥനകളുണ്ട്,
പ്രിയമുളള പ്രാർത്ഥനകൾ,
നവഹൃദയം പോലുള്ള
പ്രാർത്ഥനകൾ -
അത്
സ്വർഗത്തിലൊന്നിച്ചു ചേർന്നിരിക്കാൻ,
എന്നും സ്വർഗത്തിൽ
ഒന്നിച്ചു ചേർന്നിരിക്കാൻ.
--------------------------------------
സുലൈമാൻ പെരുമുക്ക്

ആണും പെണ്ണും.


ആണും പെണ്ണും
<><><><><><><>
ആണും പെണ്ണും
നേരോടെ നടന്നാൽ
വിശുദ്ധ ജന്മങ്ങളാണ്.
താളം തെറ്റിയാൽ
അത്
ഇരുമ്പും കാന്തവും
പോലെയാണ്!
ആരെ ഏതിനോട്‌
ഉപമിച്ചാലും
അന്യായമാകില്ല.
ഇരിക്കേണ്ട
ഇടങ്ങളിൽ ഇരിക്കുമ്പോൾ
ഇരുത്തത്തിൻ്റെ മഹത്ത്വമേറുന്നു !
മഹത്ത്വo
മറന്ന ഇരുത്തം
ഇരുട്ട് പരത്തുന്നു.
ആ ഇരുട്ടിൽ
ഇരുന്നാൽ പിന്നെ
ഇമവെട്ടുന്ന നേരംകൊണ്ടത്
ഒന്നായ് ലയിക്കും.
ചുറ്റുമുള്ള കണ്ണുകൾക്ക്
കാഴ്ചയില്ലെന്ന
കാമത്തിൻ്റെ പറച്ചിൽ
എന്തൊരിഷ്ടമാണ്!
അവസരങ്ങളെ
ആർത്തിയോടെ എന്നും
ചൂഷണ൦ ചെയ്യുന്നത്
നെറികെട്ട വികാരങ്ങളാണ്!
പിന്നെയുള്ള
പൊള്ളുന്ന ചൂടിൽ
വെന്തെരിയുന്ന
ബന്ധങ്ങളെ കാണാൻ
കാഴ്ച മരിച്ച കണ്ണുകൾക്കാവില്ല!!!
ആ കട്ടെടുത്ത
സ്വർഗ നിമിഷങ്ങൾക്കു ശേഷമുള്ള നിമിഷങ്ങളെല്ലാം
നരക നിമിഷങ്ങളാവുമ്പോൾ
ജീവിതം ശാപമായിടുന്നു.
--------------------------------------
സുലൈമാൻ പെരുമുക്കു

ഇത് ഭീകരരുടെ ചിത്രo


ഇത് ഭീകരരുടെ ചിത്രം!
~ ~ ~ ~ ~ ~ ~ ~ ~ ~ ~
മതം മാറിയാൽ
തല വെട്ടിടും,
മാറിയില്ലെങ്കിലോ
കൈ വെട്ടിടും!
രാഷ്ട്രീയം
മാറിയാലോ
രക്തം ചാലിട്ടൊഴുകിടും
പിന്നെ മുഖം പോലും
തിരിച്ചറിയില്ല, ഇത്
ഭാരത ഭീകരത
ഇന്നു വരച്ച ചിത്രം!
ഇത്
മതമാഫിയയും
രാഷ്ട്രീയ ജന്മികളും
കറുത്ത ഹൃദയo കൊണ്ട്
കൈയ്യൊപ്പു ചാർത്തിയ ചിത്രം!!
ഇവിടെ മാനവീകത മനസ്സുകൊണ്ട്
പാടുന്നവരെവിടെ?
അവരെവിടെ?...
അവരെയാണ്
പ്രകൃതി തേടുന്നതിന്ന്!
ഇവിടെ
വില്ലനാണിന്ന്
നായകനായി നടിക്കുന്നത്!!
ധർമ്മവും
അധർമ്മവും
തിരിച്ചറിയാത്തവർ
ന്നോക്കിച്ചിരിക്കുന്നു.
ബുദ്ധനും കൃഷ്ണനും
യേശുവും നബിയും
പിന്നെ മാർക്സും ഗാന്ധിയും ഒക്കെ ചേർന്നു വന്നാലും അനുജരർ കല്ലെറിഞ്ഞാട്ടിടും.
എവിടെ, എവിടെ
തിരിഞ്ഞു നോക്കിയാലും
അവിടെ ചതിയും വഞ്ചനയും മായവും മായാജാലവും മാത്രം!
ഏ മനുഷ്യാ...
ഇനിയെങ്കിലും
നീ മനുഷ്യനാവണം,
മോചനം ഇനി
മനുഷ്യനിൽ മാത്രം.
ഇവിടെ മാനവീകത
മനസ്സുകൊണ്ടു
പാടുന്നവരെവിടെ?
അവരെവിടെ?...
അവരെയാണ്
പ്രകൃതി തേടുന്നതിന്ന്!
<><><><><><><><><><>
സുലൈമാൻ പെരുമുക്ക്‌

2017, ജൂൺ 30, വെള്ളിയാഴ്‌ച

'ഗോ'വ്യഥ!!!


'ഗോ'വ്യഥ!!!
-----------------
അവസാനം
അവർ ( ഗോക്കൾ)വന്നത്
സംഘി സർക്കാറിനോട്
സങ്കടം പറയാനാണ്!
അവർക്ക്‌
ഒന്നേ പറയാനുള്ളൂ-
ഞങ്ങളും രാജ്യസ്നേഹികളാണ്,
ഞങ്ങളെ വിദേശികളുടെ
ഇരയാക്കരുത് !!!
ഓർക്കുക,
ആർത്തിയോടെ അറബികളും...
ഞങ്ങളെ വെട്ടി വിഴുങ്ങുമ്പോൾ
നോക്കി നിൽക്കുന്ന നിങ്ങളെ
ഞങ്ങൾ ശപിച്ചുകൊണ്ടേയിരിക്കും!!!
പിന്നെ ഒരുത്തനു
ഇവിടെ പറഞ്ഞുപോകരുത്,
പശു അമ്മയാണെന്ന്.
സ്വന്തം അമ്മയെ
അറുത്തു വിററ് പണം വാരുന്ന
ആരുണ്ട് മണ്ണിതിൽ?*
-------------------------------------------------
*അല്‍കബീര്‍ - സതീഷ് സബര്‍വാള്‍(വാർഷിക വരുമാനം 650 കോടി)
അല്‍ അനാം അഗ്രോ ഫുഡ്‌സ് - സംഗീത് സോം.
അല്‍ ദുവാ ഫുഡ് - സംഗീത് സോം.
അല്‍ നൂര്‍ എക്‌സ്‌പോര്‍ട്ട്‌സ് - സുനില്‍ സൂദ് ഭാര്യ പ്രിയ സൂദ്
എ.ഒ.വി എക്‌സ്‌പോര്‍ട്ട്‌ - ഒ.പി അറോറ.
അല്‍ ഹബീബി, അല്‍ ഫായിസ് - ഒ.പി അറോറ.
സ്റ്റാന്‍ഡേര്‍ഡ് ഫ്രോസണ്‍ ഫുഡ്‌സ് - കമല്‍ വര്‍മ.
ഈ സ്ഥാപനങ്ങളെല്ലാം ബി.ജെ.പി കേന്ദ്ര നിര്‍വാഹക സമിതിയംഗങ്ങളുടെയും അനുഭാവികളുടെയും ആണ്.
(ഇന്ത്യയിലെ മാംസ കയറ്റുമതിക്കാരില്‍ 90 ശതമാനവും സവര്‍ണഹിന്ദുക്കളാണ്,പറഞ്ഞത് ജസ്റ്റിസ് രജീന്ദ്ര സച്ചാർ).
copy
<><><><><><><><><><><>
സുലൈമാൻ പെരുമുക്ക്

ട്രoപിൻ്റെ അറവ് !


ട്രoപിൻ്റെ അറവ് !
----------------------
ആരെയാണ്
അറുക്കേണ്ടതെന്ന്
അവരെ പഠിപ്പിച്ചു കൊണ്ട്
അറവുകാരൻ മടങ്ങിപ്പോയി!
മന്ദബുദ്ധികൾ
ദൈവ നാമത്തിൽ
സ്വന്തം സഹോദരനെ
അറുക്കുമ്പോൾ
ട്രoപിസ്റ്റുകൾ പൊട്ടിച്ചിരിക്കും!!
വലതു കൈകൊണ്ട്
ട്രoപ് കഹ് വ
കുടിക്കുമ്പോൾ
ശീലമുള്ള ഇടതു കൈയിലെ
ഒറ്റ വെടികൊണ്ട് അയാൾ
ഒരുപാട് പക്ഷിളെ
ഉന്നം വെക്കുകയായിരുന്നു!!!
അതാണ്
അമേരിക്ക ,
അമേരിക്ക അറുക്കുമ്പോൾ
ഇരകളെകൊണ്ട് തന്നെ അറുപ്പിക്കും!
അവയവങ്ങളൊക്കെ
അറുത്തു മാറ്റികൊണ്ട്
കഴുത്തറുക്കുന്നതാണ്
കഠിന ഹൃദയരുടെ പതിവു രീതികൾ!!
<><><><><><><><><><><>
സുലൈമാൻ പെരുമുക്ക്

ഞങ്ങൾ വന്നാൽ....


ഞങ്ങൾ വന്നാൽ....
<><><><><><><><>
ഞങ്ങൾ വന്നാൽ*
എല്ലാം ശരിയാവുമെന്ന
പൊളിവചനം മാത്രമാണ്
പൊതുജനം കേട്ടത്.
പക്ഷേ, അവർ
മദ്യമാഫിയകളോടായിരുന്നു
അത് പറഞ്ഞതെന്ന് ഇന്ന്
ജനം തിരിച്ചറിഞ്ഞു!
അങ്ങനെ പൊതു ജനം
കഴുതകളാണെന്ന്
കച്ചവട രാഷ്ട്രീയം പിന്നെയും
പിന്നെയും നീട്ടിപ്പാടി!!
കഷ്ടം,
ശീലങ്ങളുടെ അടിമകൾ
ആ പാട്ടിനൊത്ത്‌
ആടിക്കൊണ്ടിരിക്കുന്നു!!!
-----------------------------------------
* ഞങ്ങൾ വന്നാൽ
എല്ലാം ശരിയാവുമെന്ന് പറഞ്ഞവരും
പലവട്ടം വന്നിട്ടും ഒന്നും ശരിയായില്ല.
തെരഞ്ഞെടുപ്പെത്തുമ്പോൾ ചിതലരി
ക്കുന്ന ചിന്തകളുടെ വിലയിരുത്തലാണ്
ഇവിടെ താളം തെറ്റുന്നത്.
~ ~ ~ ~ ~ ~ ~ ~ ~ ~ ~ ~
സുലൈമാൻ പെരുമുക്ക്

മദ്യo വിതയ്ക്കുന്ന കാഴ്ചകൾ



മദ്യo വിതയ്ക്കുന്ന കാഴ്ചകൾ
<<<<<<<<<<<<<>>>>>>>>>>>>
കൈയെത്തും ദൂരത്ത്
മദ്യമെത്തുമ്പോൾ
സംസ്കാരത്തിൽ ഉറുമ്പരിക്കും
കെട്ടിയളേയും
കുട്ടികളേയും വിട്ട് ചിലർ
പട്ടികളെ കെട്ടിപ്പിടിച്ച്
തെരുവിൽ കിടക്കും!
അത്
മദ്യത്തിൻ്റെ ചില
വികൃതിക്കാഴ്ചകളാണ്.
കണ്ടു നിൽക്കാനാവാത്ത
ഭീകര കാഴ്ചകളും മദ്യം
തെരുവിലിറക്കും -
അത്
തെരുവിൽ നടന്ന
ഓരോ കൊലപാതകങ്ങളിലേക്കും
വെറുതെയൊന്ന് കണ്ണയച്ചാൽ കാണാം.
എന്നിട്ടും മദ്യം
കൈയെത്തും ദൂരത്ത്
വിളമ്പാനാണ്
അധികാരികൾ ഓടുന്നത്!
കാരണം,
അവർ മദ്യമാഫിയകളുടെ
അടിമകളാണ്!
ആ അടികളുടെ അടിമകളാണ്
അവരെ
തെരഞ്ഞെടുത്തയച്ചതും!!
പാവങ്ങളുടെ
അത്താണിയാണ്
ഞങ്ങളെന്ന പരസ്യവാചകം
അന്ധമായി
വിശ്വസിച്ചതിൻ്റെ ഫലം!!!
<><><><><><><><><><><><>
സുലൈമാൻ പെരുമുക്ക്