2014, മേയ് 30, വെള്ളിയാഴ്‌ച

കവിത :പ്രണയ തീർത്ഥം


കവിത 
................
                        പ്രണയ തീർത്ഥം 
                 .........................................

വിവേകത്തിൽ 
നാമ്പെടുത്ത പ്രണയം 
വിശുദ്ധിയോടെ 
സൂക്ഷിച്ചതാണ് 

എന്നിട്ടും 
അക്ഷരത്തെറ്റെന്നലറിക്കൊണ്ട് 
നിഷ്ക്കരുണം 
അറുത്തുമാറ്റി 
നിഷ്ക്കളങ്ക പ്രണയത്തെ 

പിന്നെ പതിനാലു 
വർഷങ്ങൾക്കു ശേഷം 
പണ്ട് ഓടിക്കളിച്ച 
പാടവരമ്പത്തു വെച്ചാണ് 
കണ്ടു മുട്ടിയത്‌ 

ഒരിക്കലും 
ഓർക്കാത്ത 
ഒരു സ്വർഗീയ കാഴ്ച 

ദൈവമേ 
ദേശാടനപ്പക്ഷികളോടൊത്തു 
വന്നിറങ്ങിയതോ ഇതു 

ക്ഷണനേരം കൊണ്ട് 
മനസ്സ് എത്ര 
ചിത്രങ്ങളാണ് വരച്ചത് 

ഒരു നിമിഷം കൊണ്ട് 
ഒരായിരം കഥകളാണ് 
കണ്ണുകൾ കൈമാറിയത് 

ആദ്യ മാത്രയിലെ 
നയനങ്ങളുടെ ചുംബനം 
പ്രതിമകളിൽ 
പതിഞ്ഞിരുന്നെങ്കിൽ 
ജീവൻ തുടിച്ചേനെ 

വിവേകം 
തിരിച്ചെത്തിയപ്പോൾ 
മനസ്സിൻറെ 
മണിയറയിൽ നിന്ന് 
രണ്ടു പഞ്ചവർണക്കിളികൾ 
പറന്നുയർന്നു 

അവ കാലം 
കാതോർക്കുന്ന 
പ്രണയ കാവ്യം 
അശ്രുകണങ്ങളാൽ 
മഴവില്ലഴകിൽ മേഘത്തേരിൽ 
എഴുതി മറഞ്ഞു ...
--------------------------------
ചിത്രം :ഗൂഗിളിൽ നിന്ന് ...നന്ദി 
........................................................

        സുലൈമാൻ പെരുമുക്ക് 
                  00971553538596 
        sulaimanperumukku @ gmail .com 
                  

2014, മേയ് 26, തിങ്കളാഴ്‌ച

കവിത :സത്യപ്രതിജ്ഞ


കവിത 
..............
                        സത്യപ്രതിജ്ഞ 
                  ......................................

ഇന്നലെ 
ആരൊരാൾ 
സാഷ്ടാംഗം ചെയ്തുവോ 
ഇന്നയാൾ സത്യ-
പ്രതിജ്ഞ ചെയ്തു 

നാളെ ഈനാടു 
ഭരിക്കുവാനായി 
വലതു കാല് വെച്ചയാൾ 
വന്നണയും 

രാഷ്ട്ര പിതാവിൻ 
സമാധിയിൽ പോയി 
കണ്ണടച്ചൊരുനിമിഷം 
നിന്നു മാന്യൻ 

ജീവിത ഗുരുവിൻ *
അനുഗ്രഹം തേടി 
ഭരണ ചക്രം 
തിരിച്ചീടുവാനായ് 

ബുദ്ധി പ്രഭാവനായ് 
വാഴ്ത്തുന്നു ലോകം 
ശാന്ത പ്രകൃതനെന്നോതിടുന്നൂ 

പൂർവ ചിത്രം മഹാ -
ഭീകരമല്ലോ ...
വാഴ്വിലതു കാണുന്നു 
ദാർശനികർ 

ഇന്നലെ സാഷ്ടാഗം 
ചെയ്തൊരീ ധരണിയിൽ 
നാളെ നീ കണ്ണുനീർ 
വീഴ്ത്തിടല്ലേ 

കലഹം കൂട്ടൊലാ 
രക്തം ചിന്തൊലാ 
നിന്നിലതു കാണുന്നു 
ദാർശനികർ 

ഹൃദയം കൊണ്ടു നീ 
സാഷ്ടാംഗം ചെയ്തുവോ ?
സത്യപ്രതിജ്ഞയതു 
ഹൃദയം അറിഞ്ഞുവോ ?

സ്വപ്ന സമാനമായ്‌ 
ഒരു നല്ലെ നാളെ 
 ഭാരതീയർക്കു നീ 
നല്കിടുമോ ?
...................................
*വാജിബൈ   
-----------------------------     
                സുലൈമാന്‍ പെരുമുക്ക് 
                       00971553538596
             sulaimanperumukku@gmail.com