2013, മേയ് 24, വെള്ളിയാഴ്‌ച

കവിത :എൻറെ കളിവീട്



കവിത 
...............
                    എൻറെ  കളിവീട് 
                .........................................
ബാല്യകാല സ്മരണയിലെ 
വെള്ളി നക്ഷത്ര മാണ് 
എനിക്കെൻറെ കളിവീട് 

ഞാൻ ഓർക്കുന്നു 
അന്ന് കാറ്റത്ത് 
എൻറെ കളിവീട് 
ആടി ഉലഞ്ഞി  
പിടഞ്ഞു  വീണത്‌ 

നോക്കി നില്ക്കെ 
എൻറെ കുഞ്ഞു ഹൃദയവും 
കൂടെ തകർന്നു വീണു 

കടുന്നൽ കുത്തേറ്റ   പോലെ 
ഞാൻ പിടഞ്ഞു കരഞ്ഞു 

കരച്ചിൽ കേട്ട് 
ഓടി വന്ന ഉമ്മ 
എന്നെ തലോടിക്കൊണ്ട് 
പൂർവ്വാധികം 
മനോഹരമാക്കി തന്നു 
എൻറെ കളി വീട് 

പിന്നെ ഇത്തിരി നേരം 
ഉമ്മ കളിപ്പാട്ടങ്ങളുണ്ടാക്കി 
തന്നു ,കൂടെ കളിച്ചു...

അതിനിടയിൽ 
അകലേക്കു പാഞ്ഞ 
എൻറെ കണ്ണുകൾ 
വല്ല്യുമ്മയുടെ രൂപം 
ഒപ്പി യെടുത്തു വന്നു  

ചക്ക ചുമന്നു  വന്ന 
വല്ല്യുമ്മയെ കണ്ട ഞാൻ 
തുള്ളി ചാടി 
പഴുത്ത ചക്കയുടെ 
മണം പരന്നപ്പോൾ 
എൻറെ വായിൽ 
ജല ധാര വീണു 

മൂക്കിലൂടെ 
കുതിച്ചു കയറിയ മണം 
വിശപ്പിനെ വിളിച്ചുണർത്തി 
വിശപ്പിനെ മറക്കാനും 
കൂടി യായിരുന്നു വെത്രേ 
ഉമ്മ ചിലപ്പോൾ 
കൂടെ കളിച്ചിരുന്നത് 

വെറി പിടിച്ച 
ഞാൻ പറഞ്ഞു 
ഹായ് വല്ല്യുമ്മ നല്ല മണം 
നമുക്ക് തിന്നാം 

വല്ല്യുമ്മ :എങ്കിൽ 
കത്തിയെടുത്തു വാ 
നിൻറെ വീട്ടിൽ 
വെച്ചു തന്നെ മുറിച്ചു തിന്നാം 

അന്ന് 
പട്ടിണിക്കാരന്റെ 
അത്താഴവും 
ചക്ക യായിരുന്നു 
ഇന്ന് ആർക്കും ചക്ക വേണ്ട 

എങ്കിലും ഇന്ന് 
ചക്ക ചേക്കേറി 
ഹൈപ്പർ മാർക്കറ്റുകളിലെ 
അലങ്കരിച്ച സ്റ്റാളുകളിൽ 
സ്വർണ്ണപ്പല്ലു കാട്ടി 
ചിരിച്ചിരിക്കുന്ന രംഗം 
സുന്ദരക്കാഴ്ചയാണ് 

അത് കാണുമ്പോൾ 
എൻറെ കളി വീടും 
ഉമ്മയും വല്ല്യുമ്മയും എല്ലാം  
ഓർമ്മയിൽ വിരുന്നെത്തും 

ഉമ്മ സ്ഥാനം 
നിർണയിച്ച 
ആ കളിവീടിൻറെ 
സ്ഥാനത്തു തന്നെയാണ് 
ഇന്നെൻറെ വീട് ഉയർന്നത് 

ചില ഓർമ്മകൾ 
സ്വർഗീയ അനുഭൂതി 
പകരുമ്പോൾ 
കസ്തൂരിയുടെ സുഗന്ധം 
പെയ്തിറങ്ങും .....

    
              സുലൈമാന്‍ പെരുമുക്ക്
         00971553538596
          sulaimanperumukku@gmail.com

ചിത്രം മുഖ പുസ്തകത്തിൽ നിന്ന് ...നന്ദി 


      

2013, മേയ് 22, ബുധനാഴ്‌ച

കവിത :ക്ഷുഭിതയൗവനം തിരി യണഞ്ഞുവോ ?

Photo: ☆__Gold Art __☆
Virgil Elliot
കവിത 
...............
                    ക്ഷുഭിതയൗവനം തിരി യണഞ്ഞുവോ ?
                   ............................................................................................

നെഞ്ചകത്ത് 
എരിയുന്ന
കനലുകളുണ്ടങ്കിൽ  
ആളിപ്പടരുമത് 
ജ്വാലയായ് 

അന്ന് 
മാറ്റത്തിൻറെ 
കൊടുങ്കാറ്റ് 
ആഞ്ഞടിക്കും 

പക്ഷെ ഇന്ന് 
യുവത്വ ത്തിനു   
പോരാടാനുള്ള മനസ്സ് 
എവിടയോ നഷ്ടമായി -
യന്ത്രസമാന മാണിന്നത് 

ഇരുട്ടറയിലവർ 
സ്വയം ബന്ധിതരാണ് 

ഉണർത്തു പാട്ടുകളും 
പോരാട്ടക്കഥകളും 
ജപമാല മണികളെ 
താരാട്ടുവാനുള്ളതായി 
ചിലർക്ക് 

ധീരമായ് പോരാടിയ 
മഹാരഥന്മാർ 
ഇന്ന് കവലകളിൽ 
നോക്കു കുത്തികളായ് 
നില്ക്കുന്നു -

പറവകൾക്ക് 
വെള്ള പൂശാൻ 
വിധിക്കപ്പെട്ട 
വരായിക്കൊണ്ട്. 

മതം കറുപ്പാണന്ന് 
പാടി നടന്നവർ 
തളർന്നു വീണത്‌ 
ആൾ ദൈവങ്ങളുടെ 
കാൽ ചുവട്ടിലാണ് 

ഇരുട്ടിനെ 
ഇരുട്ടുകൊണ്ട് 
മായ്ക്കാനുള്ള 
അത്ഭുത സിദ്ധി നേടാൻ 
ഇരുട്ടറയിലവർ 
തപസ്സനുഷ്ടിക്കുന്നു 

വെളിച്ചം 
ഇന്നവർക്ക് 
ദു:ഖമാണ് 

ഇനി ഇവരെ 
വിളിച്ചുണർത്താൻ 
പ്രകൃതിയിൽ നിന്നൊരു 
ഘോര ശബ്ദം 
ഉടലെടുക്കുമോ ?....
     സുലൈമാന്‍ പെരുമുക്ക് 
                00971553538596
             sulaimanperumukku@gmail.com

2013, മേയ് 20, തിങ്കളാഴ്‌ച

കവിത :അപ്രിയ സത്യങ്ങൾ പറയുന്ന മനസ്സ്

Photo: ☆__Gold Art __☆ 
Joanna Sierko
കവിത 
..............
                   അപ്രിയ സത്യങ്ങൾ
                       പറയുന്ന മനസ്സ്  
                 ..........................................
മനസ്സിൻറെ 
ഇടക്കിടെയുള്ള 
ഓർമ്മ പ്പെടുത്തലുകൾ 
എന്നെ അസ്വസ്ഥനാക്കുന്നു  

തീരെ ദാക്ഷിണ്യമില്ലാതെ 
അപ്രിയ സത്യങ്ങളിങ്ങനെ 
ഉറക്കെ പറയുന്നു മനസ്സ് ...

ഹേയ്, നീ നിൻറെ 
കൂട്ടുകാരോടൊത്തിരിക്കുമ്പോൾ 
കൂട്ടത്തിൽ 
അസൂയാർഹനായ 
സൽസ്വഭാവിയാണു നീ 

പക്ഷേ നീ 
ഏകാനായിരിക്കുമ്പോൾ 
അവരോടൊത്തിരിക്കാൻ 
നീ യോഗ്യനെയല്ല 

ഏകാന്തതയിൽ 
നിന്നിൽ തെളിയുന്ന 
ചിന്തകളും ചിത്രങ്ങളും 
പകൽ വെളിച്ചത്തിൽ 
പതിക്കത്തക്ക
ശ്ലീല മുള്ളതാണോ ?

ആൾക്കൂട്ടത്തിലിരിക്കെ 
തൂവെള്ളയായ 
നിൻറെ നെഞ്ചകത്ത് 
കരിമ്പടം പുതച്ചിരിക്കുന്ന 
പിശാചിനെ 
നീ കല്ലെറിയുന്നില്ല 

അവൻ നിൻറെ 
നിത്യ ശത്രുവാണ് 
നീ ഉറങ്ങുമ്പോഴും 
അവൻ നിന്നിൽ 
ഉണർന്നിരിക്കുന്നു 

അതെ ,
അതുകൊണ്ടാണ് നീ 
 പാപക്കറ വീണ 
സ്വപ്‌നങ്ങൾ  കാണുന്നത് .

  
       സുലൈമാന്‍ പെരുമുക്ക് 
                00971553538596
             sulaimanperumukku@gmail.com
ചിത്രം gokl art