കവിത :ഒരമ്മ മകളോട് ....

കവിത 

..............

                       ഒരമ്മ മകളോട് ....

                 .......................................

കാണാതായ 

നാലാം ദിവസം 

അവൾ കോടതിയിൽ 

എത്തുമെന്നാരൊ പറഞ്ഞു 

കോടതിയിൽ നിന്നവൾ 

തിരിഞ്ഞു നോക്കാതെ 

ഇഷ്ടക്കാരനൊത്തു 

പോകുമ്പോൾ അമ്മ പറഞ്ഞു -

മോളേ പ്രണയം 

പിശാച് നോക്കിയിരിക്കുന്ന 

അധി മധുരമുള്ളൊരു 

വിഷക്കനിയാണ് 

വിവേകത്തിൻറെ 

മേമ്പൊടിയില്ലാതെ 

രുചിക്കുന്നവർ 

രക്ത ബന്ധങ്ങളെല്ലാം 

വലിച്ചെറിയും 

മോളേ 

നീ എൻറെ 

ഗർഭാശയ ഭിത്തിയിൽ 

ചവിട്ടിയപ്പോഴല്ലാം 

എൻറെ ഹൃദയം നിനക്കായ് 

താളമിട്ടിരുന്നു 

ഇന്നു നീ അച്ഛൻറെ 

നെഞ്ച് പിളർത്തു 

ഇന്നലെ കണ്ടവൻറെ 

കൂടെ പോകുന്നത് 

അമ്മയുടെ ഹൃദയത്തിൽ 

ചവിട്ടിയാണ് 

എങ്കിലും 

നിനക്കായ്  ഞാൻ 

നന്മകൾ നേരുന്നു ...

         സുലൈമാന്‍ പെരുമുക്ക്

                00971553538596

         sulaimanperumukku@gmail.com

കവിത :ഗെയിൽ ട്രെഡു്വെൽ

കവിത 

..............

                      ഗെയിൽ ട്രെഡു്വെൽ 

                     ...........................................

ഗെയിൽ ട്രെഡു്വെൽ 

അതായിരുന്നു 

ആ ദൂതികയുടെ നാമം 

സൗമ്യ ഭാവവും 

മൃദുല  ഭാഷണവും 

കൂടപ്പിറപ്പായിരുന്നു 

പൂമ്പാറ്റയെ പോലെ 

പൂക്കളെയും നക്ഷത്രങ്ങളേയും 

അവൾ മതി മറന്നു സ്നേഹിച്ചു 

കൗമാരത്തിലവൾ 

വെള്ളരി പ്രാവുകളൊത്ത് 

പറന്നുയർന്നു പൂനിലാവിൽ 

ലെയിക്കുന്ന സ്വപ്നം കണ്ടു 

ചിന്തകൾക്ക് 

ചിറകു  വീണപ്പോൾ 

സ്വപ്നങ്ങളവളെ 

താരാട്ടുവാൻ മാടിവിളിക്കയായ്‌ 

പ്രകാശ വേഗതക്കപ്പുറം 

ചിന്തകളോടൊത്ത് 

അവളും പറന്നുയർന്നു 

മണ്ണിലിറങ്ങിയപ്പോൾ കണ്ടത് 

ദൈവത്തിൻറെ സ്വന്തം നാട് 

പിന്നെയവൾ വൈകിയില്ല 

ലോക മാതാവിൻറെ 

കാൽ കീഴിൽ സർവം 

സമർപ്പിച്ചു സായൂജ്യമടഞ്ഞു 

സ്നേഹ മയിയുടെ 

ഹൃദയത്തിൽ നിന്നും 

അമൃത് നുകരുമ്പോൾ 

സ്ഥല ,കാലങ്ങൾക്കതീതമായ 

ലോകത്തായിരുന്നവൾ 

ഒരിക്കലവൾ 

ആഹൃദയം 

തേടിയെത്തിയപ്പോൾ 

അതിൻറെ ഇരിപ്പിടത്തിലോരാൾ 

കാമാർത്തനായി ചിത്രം 

വരയ്ക്കുന്നതു കണ്ട്  അമ്പരന്നു 

കണ്ണുകളെ 

അവൾ തള്ളിപ്പറഞ്ഞു 

മനസ്സിനോടതു 

വിശ്വസിക്കരുതെന്ന് 

ഉറക്കെ പറഞ്ഞുകൊണ്ടിരുന്നു 

അതിനിടയിലയാൾ 

അവളുടെ കുളിമുറിയിലും 

വന്നു മുട്ടിയപ്പോൾ അവൾ ഞെട്ടി 

അന്നവൾ 

ആണയിട്ടു പറഞ്ഞു 

ഇതു പൂനിലാവല്ല 

കട്ടപിടിച്ച ഇരുട്ടാണന്ന് 

പിച്ചിചിന്തിയ ശരീരത്തിലെ 

വിശുദ്ധ മനസ്സുമായ് 

കാരിരുമ്പൊത്ത കോട്ടയിൽ നിന്നും 

ഒരു മിന്നാമിന്നിയായ് 

അവൾ പറന്നകന്നു 

ഇന്നവൾ 

ആത്മ ദളങ്ങൾ 

മറിക്കുമ്പോൾ 

ലോകം വിസ്മയംകൊള്ളുന്നു .

       സുലൈമാന്‍ പെരുമുക്ക്

                00971553538596

         sulaimanperumukku@gmail.com