കവിത :അസൂയ

കവിത 

..............

                            അസൂയ 

                     ..........................

അസൂയ, 

അത് മനസ്സിൽ മാത്രം 

മുളക്കുന്ന വിഷ വിത്താണ് 

അളക്കാനാവാത്ത 

വലുപ്പത്തിലതു വളരും 

സ്നേഹവും 

നന്മയുമില്ലാത്ത 

മനസ്സിൻറെ വാതിലിൽ 

നിത്യവുമത്  വന്നുമുട്ടും 

അജ്ഞതയും 

അഹങ്കാരവും 

നിലനിർത്തുന്ന ഭീരുക്കളിലതു 

വളർന്നു പന്തലിക്കും , 

അഗ്നിയാണതിൻറെ ഫലം 

രക്ത ബന്ധത്തിനും 

ആത്മമിത്രത്തിന്നും 

അസൂയാലുവിൻറെ 

കണക്കു പുസ്തകത്തിൽ 

അടിവരയില്ല 

സ്വയം കൊത്തി വെക്കുന്ന  

എല്ലാ തിന്മകൾക്കും 

സുഗന്ധ ദ്രവ്യം പൂശുംബോൾ 

അന്യരിലെന്നുമവൻ 

ദോഷൈക ദൃക്കായിരിക്കും 

മണ്ണ്‍ പുതച്ചു 

ഉറങ്ങുന്നതുവരെ 

മനുഷ്യനത്  അലങ്കാരമായി 

കാണുന്നവനെ വിളിക്കാൻ 

ചേർച്ചയുള്ള വിളി പ്പേരില്ല .

         സുലൈമാന്‍ പെരുമുക്ക്

                   00971553538596

                   sulaimanperumukku@gmail.com     

കവിത :അമ്മ

കവിത 

............

                   അമ്മ 

                ................

അമ്മയെ അറിയണം 

മക്കെളെന്നും 

അമ്മ ദൈവത്തിന്ന-  

രികിലാണ് ഇരിപ്പ് 

അമ്മയെ അറിയാത്ത 

മക്കളുണ്ട് അവർ -

സാത്താൻറെ 

അരികിലാണ് ഇരിപ്പ് 

അന്നം മറന്നമ്മ 

നിദ്ര  വെടിഞ്ഞമ്മ 

മോഹങ്ങളൊക്കെയും 

മാറ്റി വെച്ചു ,പിന്നെ 

ജീവൻ തൻ കുഞ്ഞിനു   -

ഴിഞ്ഞു വെചൂ  

ആയിരം കാമുകി -

മാർക്കിടയിൽ നിന്നും 

അന്ധനവനമ്മയെ 

തിരിച്ചറിയും 

ആസ്നേഹം ആയിരം 

താളിലവൻ എഴുതി വെക്കും 

ഹൃദയം പറിച്ചു 

വലിച്ചെറിഞ്ഞാലും 

അമ്മയുടെ സ്നേഹം 

ഉയർന്നു കേൾക്കും 

അമ്മയ്ക്കു  തുല്യമായ് 

അമ്മ മാത്രം 

ഹൃദയം സ്നേഹ താളത്തിൽ 

മിടിച്ചു നിൽക്കും 

പകരം നല്കുവാൻ 

ഒന്നുമേയില്ല ഉലകിൽ .

    

      സുലൈമാൻ പെരുമുക്ക്

             00971553538596 

     sulaimanperumukku @gmail .com