ജിന്നാണ്‌ താരം!...
ജിന്നാണ്‌ താരം!...
———————
ജിന്നിവിടെ
ഇടക്കിടെ താരമായി
എത്തുന്നുണ്ട്‌.
അത് പലപ്പോഴും
ജീവനും കൊണ്ട്
പോകുന്നുണ്ട്‌!!!
അതിന്‌
മതത്തിന്റെ പച്ചപ്പട്ടാണ്‌
പുതച്ചുകൊടുക്കുന്നത്‌!
വിശ്വാത്തിന്റെ
ജീവനില്ലാത്ത ജഡങ്ങളില്‍
ആത്മീയ കച്ചവടക്കാർ
ജിന്നിനേയും പിശാചിനേയും...
വെച്ച്‌ കളിക്കുകയാണ്‌!!
ഈ
പകല്‍ വെളിച്ചത്തിലും
വിവരമില്ലാത്തവരുടെ
ധനവും മാനവും... സൂത്രത്തിലവർ സ്വന്തമാക്കുന്നു!
അതു കണ്ടുകൊണ്ട്‌
മതത്തിന്റെ
കുത്തകക്കാരൊക്കെ
മത്തു പിടിച്ചവരെപ്പോലെ
നോക്കി രസിക്കുകയാണ്‌!!!
മതത്തിന്റെ
ചിഹ്നങ്ങള്‍ക്ക്
വർണങ്ങൾ നല്‍കി
പൗരോഹിത്യമിവിടെ
പാലൂട്ടി വളർത്തിയത്‌
പാപങ്ങളാണ്‌!
കാപട്യത്തിന്റെ
മുഖംമൂടികള്‍
വലിച്ചു കീറുമ്പോള്‍
പുരോഹിതക്കു വേണ്ടി
വാളോങ്ങാന്‍ ഇരകളാണ്‌
ഇന്നും മുന്നിലുള്ളത്‌!!
പിന്നെ
എങ്ങനെ തലക്കകത്ത്‌
നേരം വെളുക്കും?...
ജിന്നിനെ പണ്ട്‌ ചൂട്ട്‌കെട്ടി
ആട്ടിയോടിച്ചവർ ഇന്ന്
കെട്ടിപ്പിടിച്ചു കിടക്കുന്നത്‌
കൗതുക കാഴ്‌ചയാണ്‌!!!
സൂര്യന്‍
ഉദിച്ചുയരട്ടെ
അത് ജീവന്റെ
നിലനില്‍പ്പാണെന്നത്‌
ജനം തിരിച്ചറിയട്ടേ...
~~~~~~~~~~~~~~~~
സുലൈമാന്‍ പെരുമുക്ക്
sulaiman perumukku പോസ്റ്റ് ചെയ്തത് @ 12:18 AM
0 അഭിപ്രായങ്ങള്‍
