കവിത :മൂന്ന് പിശാചുക്കൾ

കവിത 

...............

                           മൂന്ന് പിശാചുക്കൾ

                   ............................................... 

മൂന്നു പിശചുക്കളാണെൻറെ 

തലക്കു മുകളിൽ 

അവർ അമിത പ്രതീക്ഷയുള്ള 

അഹങ്കാരികൾ 

മണ്ണിൽ നിന്നുള്ളതാണൊരുവൻ 

വിണ്ണിൽ നിന്നുള്ളതാണിരുവർ 

കറുത്ത പിശാച് പണ്ട് 

മനുഷ്യനായിരുന്നു 

കാലം അവനൊരിത്തിരി 

തണലേകി അന്നൊരുനാൾ 

ആ തണലിലിരുന്നവൻ 

വഴി പോക്കാൻറെ 

രക്തവും മജ്ജയും 

നിത്യം കുടിച്ചു രസിച്ചു 

കറുത്ത പിശാചാണ് 

കൊടും ഭീകരൻ 

സർവ്വ ശാപവും 

ഏറ്റു വാങ്ങുന്നവൻ 

കുഞ്ചിക സ്ഥാനങ്ങളിൽ 

ഒളിക്കണ്ണിടുന്നവൻ  

ഇത്തിരി 

മനുഷ്യപ്പറ്റുള്ള 

പിശാചാണ് 

ഉയരം കൂടിയവാൻ 

അവൻറെ ഉൾവസ്ത്ര -

ത്തിലൊരിത്തിരിചുവപ്പുണ്ട് 

മൊട്ടത്തലയൻ പിശാച് 

ആർത്തി പൂണ്ട 

പണക്കൊതിയൻ 

വട്ടമിട്ട് പറക്കുന്ന 

നാലു കണ്ണുള്ളവൻ 

 ഉയരത്തിലിരുന്നവൻ 

അപ്പങ്ങളെറിയുന്നു ,

അവനെ ആരാധിക്കുവോർക്കുർക്കും

കാണിക്ക നല്കുവോർക്കും  മാത്രമായ് .

.................................................................

          സുലൈമാന്‍ പെരുമുക്ക്

      00971553538596

     sulaimanperumukku@gmail.com