കുറ്റസമ്മതം
കുറ്റസമ്മതം
~~~~~~~~~~
പ്രകൃതിയോട്‌
കലഹിച്ചാണ്‌
എന്നും ജീവിച്ചത്‌
ഉണ്ടതും
ഉറങ്ങിയതും ഉണർന്നതും
അങ്ങനെതന്നെ
എത്രയെത്ര
സുന്ദരമായ
പ്രഭാതങ്ങളാണ്‌
എനിക്ക് നഷ്ട്‌മായത്‌
നഷ്ട്‌മായതൊന്നും
ഇനി തിരിച്ചെടുക്കാനാവില്ലെന്ന്‌
ഇന്നുഞാന്‍ തിരിച്ചറിഞ്ഞു
എനിക്ക്
കണ്ണുകളുണ്ടായിരുന്നു
പക്ഷേ, കാണേണ്ടതല്ല
ഞാന്‍ കണ്ടതെല്ലാം.
എനിക്ക്
ഹൃദയമുണ്ടായിരുന്നു
പക്ഷേ,ഞാന്‍
ചിന്തിച്ചതെല്ലാം
പുറംപ്പോക്കില്‍നിന്നായിരുന്നു.
എന്റെ ശ്രവണേന്ത്രിയങ്ങള്‍
ഓടിക്കിതച്ചതെന്നും
ശബ്ദലഹരി നുകരാനായിരുന്നു
എന്റെ മുറ്റത്തെത്തുന്ന
പത്രങ്ങളിലും
അകത്തളത്തില്‍
പെയ്‌തിറങ്ങുന്നചാനല്‍ മഴയിലും
ഞാന്‍ പരതിയത്‌ കളിക്കളങ്ങളും
കണ്ണഞ്ചിപ്പിക്കുന്ന
കൗതുകങ്ങളുമാണ്‌
ന്യൂജന്‍ ഭ്രമം
എന്നെ വേട്ടയാടിയപ്പോള്‍
മധുരഭാഷണങ്ങള്‍ എനിക്ക്
അസഹ്യമായിരുന്നു
വാർദ്ധക്യം
പെട്ടെന്നു ഇടിഞ്ഞുവീണതല്ല
അത്‌ വന്നവഴികളിലെല്ലാം
യുവത്വം ഞാന്‍തേച്ചുമിനുക്കി
എന്നിട്ടും
എന്റെ സമ്മതമില്ലാതെ
എന്നെയത്‌ കീഴ്‌പ്പെടുത്തി
ഒരുപാട്‌ വൈകി
അതെ,അറിവില്ലായെന്ന
അറിവുപോലും അറിയാന്‍
ഒരുപാട്‌ ഒരുപാട്‌ വൈകി.
———————————
സുലൈമാന്‍ പെരുമുക്ക്
sulaiman perumukku പോസ്റ്റ് ചെയ്തത് @ 5:27 PM
1 അഭിപ്രായങ്ങള്‍
1 അഭിപ്രായങ്ങള്‍:
കുറ്റസമ്മതം വളരയേറെ നന്നായി
ആശംസകള്‍
ഒരു അഭിപ്രായം പോസ്റ്റ് ചെയ്യൂ
ഇതിനായി സബ്‌സ്ക്രൈബ് ചെയ്ത പോസ്റ്റിന്റെ അഭിപ്രായങ്ങള്‍ [Atom]
<< ഹോം