2016, നവംബർ 14, തിങ്കളാഴ്‌ച

നായയുടെ ബുദ്ധിപോലും...


  നായയുടെ ബുദ്ധിപോലും...
 <><><><><><><><><><><>
രാവിലെ
നടക്കാനിറങ്ങിയപ്പോള്‍
ഒരു നായ പ്രവചനക്കാരന്റെ
പരസ്യപ്പലകയില്‍ കടിച്ചു
തൂങ്ങുന്നതു കണ്ടു!

ഞാനോർത്തു,
പലവട്ടം ഞാന്‍
കണ്ടതല്ലെ ഈ പരസ്യം?
എന്നിട്ടും ഈ നായയുടെ
ബുദ്ധി പോലും എനിക്ക്‌
ഉണ്ടായില്ല!

കണ്ടറിയാത്ത
ഞാന്‍  ഇന്ന്‌
കൊണ്ടറിയുന്നുണ്ട്‌!

ഇന്നിനേയും
നാളെയേയും പറ്റി
പ്രവചിക്കുന്ന തങ്ങളും
മുസ്‌ല്യാരും സ്വാമിയും
അമ്മയും ചേച്ചിയും ഇന്നെവിടെ?

നാളെയുടെ സത്യം
തിരിച്ചറിയാത്ത വ്യാജരാണിവരെന്ന്‌ ഈ നായ
പരസ്യമായിതാ പറയുന്നു!

എന്നിട്ടും
വെയിലുകൊണ്ട്‌
വാടിനേടിയ പണം
വെറുതേയിരിക്കുന്നവന്റെ
കൈയില്‍ കണ്ണടച്ച്‌ കൊടുക്കുന്നു!

പിന്നെയും ഞാന്‍
എന്നോട്‌ ചോദിച്ചു,
എന്തേ ഈ നായയുടെ
ബുദ്ധി പോലും എനിക്ക്‌
ഇല്ലാതെ പോയത്‌?
~~~~~~~~~~~~~~~~~
 സുലൈമാന്‍ പെരുമുക്ക്‌

1 അഭിപ്രായങ്ങള്‍:

2016, നവംബർ 18 1:39 AM ല്‍, Blogger Cv Thankappan പറഞ്ഞു...

കുരുട്ടുബുദ്ധി...

 

ഒരു അഭിപ്രായം പോസ്റ്റ് ചെയ്യൂ

ഇതിനായി സബ്‌സ്ക്രൈബ് ചെയ്ത പോസ്റ്റിന്റെ അഭിപ്രായങ്ങള്‍ [Atom]

<< ഹോം