ഇത് ദുരന്തമാണ്!
ഇത് ദുരന്തമാണ്!
<><><><><><><><>
നവതയുടെ
ശിരസ്സിപ്പോള്‍ കുനിയുന്നത്‌
വിനയം കൊണ്ടല്ല,
കൈകളിരിക്കുന്ന
മുബൈല്‍ കണ്ടാണ്‌.
അവരെപ്പോഴും
ടീ.വിയുടെ കഴ്‌ചവെട്ടത്തുണ്ട് -
പക്ഷ,കാണേണ്ടത്
കാണാനവർക്ക്‌ നേരമില്ല!
നീണ്ടനേരം
പത്രങ്ങളില്‍
പുഴുവായരിക്കും
പക്ഷേ,
കളിക്കളത്തിനപ്പുറം
കണ്ണരിക്കില്ല.
നിരത്തിലവർ
നീണ്ട കൊടിവീശി
നടക്കുന്നുണ്ട്‌—
പക്ഷേ,
ആ കൊടികളില്‍
കണ്ണീരും ചോരയും
വീണ പാടുകളാണ്‌ നിറയെ.
മക്കളേ,
ആ കറകളൊന്ന്‌
കഴുകിക്കൂടേയെന്നു ചോദിച്ചാല്‍;
അവനു വേണ്ടി ശവക്കുഴി
യൊരുക്കാനാണ്
കൊടിയുടമകള്‍ പഠിപ്പിക്കുന്നത്‌!
പുലരിയിലും
ലഹരിനുകരുന്ന
ഒരു തലമുയാണിവിടെ
വളരുന്നത്‌!
ആരെയോ
അനുകരിക്കുന്ന
വ്യക്തിത്തമ്മില്ലാത്ത തലമുറ
എന്നും ശാപമാണ്‌.
ആ കരങ്ങളില്‍
കടിഞ്ഞാണെത്തുമ്പോള്‍
നരകം പോലും നാണിച്ചുപോകും!
കണ്ടതിനേക്കാള്‍
വലിയ രക്തപ്പുഴയും
അതില്‍നിറയെ കബന്ധങ്ങളും
ഇവിടെയൊഴുകും.
സ്വന്തം
തന്തയുടെ മുഖത്തുനോക്കി
എനിക്ക് ജന്‍മം നല്‍കിയതാണ്‌
താനെന്നോട്‌ ചെയ്ത തെറ്റെന്നു
പറയുന്ന മക്കള്‍ ദുരന്തമാണ്;
അതേ, ഈ മക്കൾ മഹാദുരന്തമാണ്‌.
——————————
സുലൈമാന്‍ പെരുമുക്ക്
http://sulaimanperumukku.blogspot.in/?m=1
sulaiman perumukku പോസ്റ്റ് ചെയ്തത് @ 3:33 AM
1 അഭിപ്രായങ്ങള്‍
1 അഭിപ്രായങ്ങള്‍:
ദുരന്തങ്ങള്‍....
ഒരു അഭിപ്രായം പോസ്റ്റ് ചെയ്യൂ
ഇതിനായി സബ്‌സ്ക്രൈബ് ചെയ്ത പോസ്റ്റിന്റെ അഭിപ്രായങ്ങള്‍ [Atom]
<< ഹോം