കവിത :ചോര പൊടിയുന്നവാക്ക്

കവിത 

.................

                      ചോര പൊടിയുന്നവാക്ക് 

                   .......................................................

അമ്മേ 

ആ മുഖം കാണാൻ 

ആഗ്രഹമുണ്ട് 

ചേച്ചിമാരും ഏറെ 

ആഗ്രഹിച്ചിരുന്നത് 

പക്ഷേ 

അതിനു മുമ്പ് 

കിരാത കരങ്ങളാൽ 

അറുകൊല ചെയ്യപ്പെട്ടവർ  

അവർ 

പിടഞ്ഞു മരിച്ച 

അടയാളം 

ഞാനിവിടെ കാണുന്നു 

കൂട്ടത്തിൽ ഒരു 

ചേട്ടനെയും കൊന്നല്ലേ ?

അച്ഛൻറെ 

വാക്കുകൾ എന്നെ 

അത്ഭുതപ്പെടുത്തുന്നു 

സമൂഹം 

ഒരുക്കിയ കുരുക്കിൽ 

അച്ഛൻ വീണപ്പോൾ 

അച്ഛൻറെ മന്ത്രമിന്ന് 

സന്താന നിയന്ത്രണമെന്നായി 

മഹാത്മാവിൻറെ 

പുസ്തകത്തിൽ നിന്ന് 

അമ്മ വായിക്കുന്നത് 

ഞാൻ കേട്ടിടുണ്ട് -

സകല മനുഷ്യർക്കും 

വേണ്ടതെല്ലാം 

ഭൂമിയിലുണ്ട് 

പക്ഷേ ,ഒരുത്തൻറെ 

ആർത്തി തീർക്കുന്നതിൽ 

ഭൂമി പരാജയപ്പെടും 

പ്രകൃതി നിയമം 

പാലിക്കുന്ന 

നാല്ക്കാലി ലോകത്ത് 

അന്നത്തിനു പഞ്ഞമില്ല 

അവിടെ സ്ത്രീ ധനവുമില്ല 

പ്രബുദ്ധരെന്നൂറ്റം -

കൊള്ളുന്ന 

ഇരു കാലി ലോകം 

പുതിയ പാപങ്ങൾ 

തേടിയലയുന്നു 

അവസാനം 

പെണ്ണാണെങ്കിലും 

പിറക്കട്ടെ 

പിന്നെ നിറുത്താമെന്ന 

അച്ഛൻറെ 

വാക്കുകൾ ഞാൻ കേട്ടു !

അമ്മേ ...ഭൂമിയെ 

ഇന്നു ഞാൻ ഭയക്കുന്നു 

തൊട്ടിലിൽ കിടക്കുന്ന 

പൈതലേയും 

കാമാർത്തർ പിച്ചി ചീന്തുന്നു 

എന്നല്ലേ ഇന്നലെ 

വാർത്തയിൽ കേട്ടത് ....?

..........................................................

ചിത്രം :മുഖ പുസ്തകത്തിൽ നിന്ന് ....നന്ദി 

               സുലൈമാന്‍ പെരുമുക്ക് 

                   00971553538596

         sulaimanperumukku@gmail.com