കവിത: പാഷണ്ന്ധ ജീവികളുടെ താണ്ന്ധവം
കവിത
.................
പാഷണ്ന്ധ ജീവികളുടെ താണ്ന്ധവം
..............................
കണ്ണീര്‍ കണങ്ങളും ചുടു രക്തവും വീണ
മണ്ണിന്റെ വേദന അറിയുന്നതാര്
കാരുണ്യ മില്ലാത്ത മര്ത്യരീ മണ്ണിതില്‍
തീര്‍ക്കുന്ന പോര്‍ക്കളം തടയുന്നതാര്
..............................
പുണ്യാ പുരോഹിതര്‍ നെറുകയില്‍ കൈവെച്ചു
ആശിര്‍വദിക്കുന്നു രാക്ഷസന്മാരെ
പൗരോഹിത്യവും അധികാരി വര്‍ഗ്ഗവും
ചേർന്നൊ ക്കീടുന്നു കുരുതിക്കളങ്ങള്‍
..............................
സ്വാര്‍ത്ഥത മുറ്റിയ ജനതയ്ക്കു മണ്ണില്‍
സാന്ത്വനമേകുവാന്‍ കഴിയില്ലൊരിക്കലും
നേര്‍പഥം കാട്ടുവാന്‍ വന്ന സുകൃതരെ
നിർമൂലനം ചെയ്തിടുന്നു ഈ കശ്മലര്‍
..............................
അമ്മയുടെ അമ്മിഞ്ഞ പാല്‍ നുകര്നീടുന്ന
പൈതലിന്‍ വായില്‍ നിറ യുതിര്‍ക്കുന്നിവര്‍
ഗര്‍ഭസ്ഥ ശിശുവിനെ ശൂലത്തിലെറ്റി
അമ്മാനമാടിയതു കണ്ടു ഈ ലോകം
..............................
എള്ളോളം ഉള്ളില്‍ കളങ്കമില്ലാതുള്ള
എത്രയോ കുഞ്ഞുങ്ങള്‍ കൈകാല്‍ അറ്റതായ്‌
എതിര്‍ ലിംഗ പ്രായം എതാകിലും
സുഖ ഭോഗത്തിനായിവര്‍ വഴിയൊരുക്കുന്നു
..............................
കരയിലും കടലിലും നാശം വിതച്ചിവര്‍
ഗോളാന്തരങ്ങളില്‍ ചേക്കേരിടുന്നു
തോരണം ചാര്‍ത്തി ഈ പാഷണ്ന്ധ ജീവികളെ
സ്വീകരിച്ചീടുവാന്‍ മത്സരിച്ചീടലായ്
..............................
ദൈവീക കീര്‍ത്തനം ഉച്ചത്തിലോതിടും
ദൈവം പ്രസാദിപ്പാന്‍ വിത്തം ചൊരിഞ്ഞിടും
ദൈവീക മെന്നരുളി ശോണിതം ചിന്തിടും
ദൈവാ വിധി പോലെ ജീവിപ്പതില്ലിവര്‍
..............................
എത്രയോ വ്യാധികള്‍ക്കില്ല സംഹാരികള്‍
ഏറെ പേര്‍ ദുരിതത്തില്‍ മൃത്യുവരിക്കുന്നു
പരിഹാരം തേടേണ്ട ശാസ്ത്രജ്ഞര്‍ സ്വാര്ത്ഥരായ്
പുതു പുത്തന്‍ ആയുധം നിര്‍മിച്ചിടുന്നു
..............................
സ്വതന്ത്രരായ് മണ്ണില്‍ പിറന്ന മനുഷ്യരെ
സൈനിക ശക്തിയാല്‍ തടവിലാക്കുന്നിവര്‍
അഭയാര്‍ത്ഥികല്‍ മണ്ണില്‍ പെരുകുന്നു നിത്യവും
ആലംബ ഹീനരുടെ ഹൃത്തടം പൊട്ടുന്നു
..............................
പാരിടം പറുദീസയാക്കിടൂ ദൈവമേ
എന്നു പ്രാര്ത്ഥിക്കുന്നു രാപ്പകല്‍ മാനവര്‍
പ്രവര്‍ത്തനമില്ലാത്ത പ്രാര്‍ത്ഥനക്കര്‍ത്ഥം -
ഇല്ല എന്നറിയുവത് എന്നാണു ഭക്തര്‍
..............................
സത്യവും നീതിയും ശാന്തി ,സമാധാനം
സര്വ്വരിലും വിളയാന്‍ കൊതിപ്പവര്‍ ഉണരുകാ
കൈ കോര്‍ത്തു നില്‍ക്കുക കൂരിരുള്‍ നീക്കുക
പാരിതില്‍ പൂര്‍ണ്ണ പ്രകാശമായ് തെളിയുകാ ....
..............................
സുലൈമാന്‍ പെരുമുക്ക്
00971553538596
sulaiman perumukku പോസ്റ്റ് ചെയ്തത് @ 9:26 AM
4 അഭിപ്രായങ്ങള്‍
4 അഭിപ്രായങ്ങള്‍:
പാരിടം പറുദീസയാക്കിടൂ ദൈവമേ
എന്നു പ്രാര്ത്ഥിക്കുന്നു രാപ്പകല്‍ മാനവര്‍
പ്രവര്‍ത്തനമില്ലാത്ത പ്രാര്‍ത്ഥനക്കര്‍ത്ഥം -
ഇല്ല എന്നറിയുവത് എന്നാണു ഭക്തര്‍
കവിതാ വിഭാഗത്തിലേക്ക് പോസ്റ്റ് ചെയ്യാത്തതെന്താ?
ശുഭാശംസകൾ...
ദൈവം പോലും മടിച്ചു തുടങ്ങിയിരിക്കുന്നു എന്ന് തോന്നുന്നു മനുഷ്യന്റെ കാര്യത്തില്‍ .
വരികള്‍ മനോഹരം ..എഴുതിയ രീതിയും
ആശംസകള്‍
വളരെ നന്നായിട്ടുണ്ട് .........
ആശംസകള്‍
മനുഷ്യൻ എന്തൊക്കെയോ ആയിതീരുന്നു.......
ഒരു അഭിപ്രായം പോസ്റ്റ് ചെയ്യൂ
ഇതിനായി സബ്‌സ്ക്രൈബ് ചെയ്ത പോസ്റ്റിന്റെ അഭിപ്രായങ്ങള്‍ [Atom]
<< ഹോം