കവിത :കറുത്ത പാട്

  കറുത്ത പാട് 
 ........................

യുദ്ധമരുതെന്ന് 
ഓതിയ സ്ഥലത്തു 
നിന്നാണവർ 
ആയുധമെടുത്തത് 

രമ്മ്യത തീർക്കുന്നവൻ്റെ
നാമത്തിലാണവർ 
രക്തം ചിന്തിയത് 

അതിഥി ദേവോ ഭവ 
എന്ന വചനം  നാം
ഇനി എവിടെ 
ഒളിപ്പിച്ചു വെക്കും 

കാലത്തിനു 
മായ്ക്കാനാവാത്ത 
കറുത്ത പാടാണ് 
വെളുത്ത പിശാചുക്കൾ 
ചേർന്നൊരുക്കിയത് 

സത്യത്തേയും 
സ്നേഹത്തേയും 
കറുത്ത പാമ്പുകൾ 
ആഞ്ഞു കൊത്തുന്നത് 
പാമ്പാട്ടികൾ നോക്കി നിന്നു!

പ്രവചനക്കാരുടെ 
പ്രവചനങ്ങൾ തെറ്റി 
കാരണം അവർ 
പ്രവാചകന്മാരായിരുന്നില്ല-

അവർ മാടപ്രവുകളുടെ 
രൂപത്തിൽ വന്ന 
കഴുകൻ മാരായിരുന്നു*

പൊയ് മുഖങ്ങൾ 
കൊഴിഞ്ഞു വീഴുന്നത് 
മഹാത്മാവ് 
ദൂരെ നിന്നു നോക്കി 
കൂടെ ശ്രീ രാമനും ഉണ്ടായിരുന്നു!
<><><><><><><><><><><>
* ഓരോ ഡിസംബർ ആറും
മതേതര നാട്യക്കാരുടെ
മുഖംമൂടികൾ പിച്ചിച്ചീന്തിക്കൊ
ണ്ടിരിക്കുന്നു!
---------------------------------------------

           സുലൈമാന്‍ പെരുമുക്ക്