സ്വാഗതo
സ്വാഗതം *
—————
നിങ്ങള്‍
വന്നതെന്തിനെന്ന്‌
എനിക്കറിയാം,
എന്നെ കൊല്ലാനാണ്‌.
നിങ്ങള്‍
എന്തിനാണ്‌
എന്നെ കൊല്ലുന്നതെന്ന്‌
നിങ്ങള്‍ക്കറിയില്ല
കാരണം നിങ്ങള്‍
വാടകക്കൊലയാളികളാണ്‌
ഒരുപാട്
മരങ്ങള്‍ നിങ്ങള്‍
വെട്ടിമുറിച്ചു
ഒരുമരംപോലും
നിങ്ങള്‍
നട്ടുവളർത്തിയില്ല
ഇനി ഈ
കൊടും ചൂടില്‍
നിങ്ങള്‍ എവിടെയാണ്‌
വിശ്രമിക്കുക?
ചിരിച്ചുകൊണ്ട്‌
ഞാനൊന്ന് പറയട്ടെ,
അതിഭീകരത നിങ്ങൾ
നെഞ്ചിലേററുമ്പോഴും
മതങ്ങളുടെ ചിഹ്നങ്ങൾ
നിങ്ങളിൽ ഞാൻ കാണുന്നു.
ഇന്നും
ഇന്നലെയും
മിനിയാന്നും
രാജ്യസ്നേഹം പാടി
മൽസരിക്കുന്നവർക്കിടയിൽ
നിങ്ങളെ ഞാൻ കണ്ടതാണ്
സത്യത്തിൽ
ഭീകര ജന്മങ്ങൾ
കലക്കിത്തന്ന കറുപ്പ്
കുടിച്ചു വന്നവരാണ് നിങ്ങൾ
ഭൂമിദേവിയുടെ
തിരുമുഖം ഇനിയും
നിങ്ങൾ വികൃതമാക്കുന്നുവോ?
വരിക,
സ്വാഗതം
ഒരുപാട് ഒരുപാട് സ്വാഗതം.
...............................................
*കൽ ബുർഗിയേയും
പൻസാരയേയും ഓർത്ത്‌
എഴുതിയത്.
———————————
സുലൈമാന്‍ പെരുമുക്ക്
sulaiman perumukku പോസ്റ്റ് ചെയ്തത് @ 6:28 PM
1 അഭിപ്രായങ്ങള്‍
1 അഭിപ്രായങ്ങള്‍:
ആശംസകള്‍
ഒരു അഭിപ്രായം പോസ്റ്റ് ചെയ്യൂ
ഇതിനായി സബ്‌സ്ക്രൈബ് ചെയ്ത പോസ്റ്റിന്റെ അഭിപ്രായങ്ങള്‍ [Atom]
<< ഹോം