2016, ഓഗസ്റ്റ് 23, ചൊവ്വാഴ്ച

ഇവിടം സ്വർഗമായിടും


   ഇവിടം സ്വർഗമായിടും
  <><><><><><><><><>
ആരൊക്കെ
വാളെടുത്ത്‌
തുള്ളിയാലും
ഞാന്‍ ഉറക്കെ പറയും
ലോകത്തിന്റെ മോചനം
സമാധാനത്തിലൂടെയാണെന്ന്‌.

നന്‍മകൊണ്ട്‌
തിന്‍മയെ പ്രതിരോധിക്കുക—
എങ്കില്‍ നിന്റെ ശത്രു
മിത്രമായിടുമെന്ന വേദവാക്യം
നമുക്ക്‌ നെഞ്ചിലെഴുതി വെക്കാം.

വേദമോതുന്നത്‌
പോത്തിനോടാണെങ്കില്‍*
ഇനി നമുക്ക്‌
പോത്തിന്റെ ഭാഷയിലോതാം,
പോത്തും മനുഷ്യനോട്‌
ഇണങ്ങുന്ന ജീവിയാണ്‌.

കാട്ടില്‍വെച്ചു
കണ്ടാലും "കരിമൂർഖനെ'
കല്ലെറിഞ്ഞു കൊല്ലുന്നതാണ്‌
പുണ്യമെന്ന ചിന്ത മറക്കണം—

പകരം,പാമ്പും
പ്രകൃതിയുടെ
സന്തുലനമാണെന്നോതുന്ന
ബാബാസുരേഷിനു
നമുക്ക്‌ പഠിക്കാം.

സാങ്കല്‍പിക
ശത്രുവിന്റെ ചിത്രംവരച്ച്‌
ചോരചിന്തുന്നവരെ
അധികാരികള്‍ തളച്ചിടുമ്പോള്‍**
ഇവിടം സ്വർഗമായിടും

എങ്കില്‍
മണ്ണിലെങ്ങും
പൂക്കള്‍ വിരിയും
മാനത്തെന്നും
താരകള്‍ തെളിയും.
~~~~~~~~~~~~~~~~~
*വെട്ടാന്‍ വരുന്ന പോത്തിനോട്‌
വേദമോതിയിട്ട്‌ കാര്യമില്ലെന്ന
ചൊല്ല്‌ ഒന്ന്‌ തിരുത്തിനോക്കാം.

**ജനം കൊമ്പുകോർക്കുന്നതു
കണ്ടു രസിക്കുന്നത്‌ നല്ല അധികാ
രികളുടെ ലക്ഷണമല്ല.നാടിന്റെ
നന്‍മക്കായി അവർ ഉണർന്നിരിക്കട്ടെ....
————————————
  സുലൈമാന്‍ പെരുമുക്ക്‌





1 അഭിപ്രായങ്ങള്‍:

2016, സെപ്റ്റംബർ 3 9:53 AM ല്‍, Blogger Cv Thankappan പറഞ്ഞു...

നല്ല ചിന്തകള്‍
ആശംസകള്‍

 

ഒരു അഭിപ്രായം പോസ്റ്റ് ചെയ്യൂ

ഇതിനായി സബ്‌സ്ക്രൈബ് ചെയ്ത പോസ്റ്റിന്റെ അഭിപ്രായങ്ങള്‍ [Atom]

<< ഹോം