പിത്തലാട്ടം

പിത്തലാട്ടം
_____________
മോദി
മഹാനാണെന്നു പറയാൻ
ഒരുപാട് പരസ്യം ചെയ്തിട്ടുo
ആരും പറഞ്ഞില്ല!

എങ്കിൽ
*യോഗിയേക്കാൾ നല്ലവൻ
മോദിയാണെന്നു പറയട്ടെ -
യെന്നാണ് പുതിയ തന്ത്രം!!

അല്ലെങ്കിൽ
മൂർഖൻ പാമ്പിനെക്കാൾ വിഷം
രാജവെമ്പാലക്കാണെന്നും അല്ല,
അത് തിരിച്ചാണെന്നും പറഞ്ഞ്
ജനം തർക്കിച്ചു നിൽക്കട്ടെ.

അതിനിടയിൽ
കാളകൂടവും
തീക്കനലും ചേർത്ത്
കറുത്ത മതിലൊരുക്കാമെന്നത്
ഫാഷിസ്ററ് നിഗൂഢതയാണ് !

ഓർക്കുക
ഇനിയുള്ള കാലം
എല്ലാവരും വേലായുധനും
വാവാ സുരേഷിനും പഠിക്കണം.

കാരണം
ഊതിയാൽ മരിച്ചുവീഴുന്ന
സർപ്പങ്ങളാണ് മുറ്റത്ത്
പത്തി വിടർത്തിയാടുന്നത്.

കൊത്തിയാൽ
എന്നോ മരിച്ചു പോയെന്ന്
വിദഗ്ദ്ധർ വിധിയെഴുതും !!
__________________________
* യു.പി മുഖ്യമന്ത്രിയായി അധികാരമേറ്റ
തീവ്രഹിന്ദുത്വ വാദിയായ യോഗി
ആദിത്യ നാഥ്.

ചേർത്തുവായിക്കാം...അജ്മീർ സ്‌ഫോടന കേസിൽ രണ്ട് പ്രതികൾക്ക് എൻ.ഐ.എ കോടതി ജീവപര്യന്തം ശിക്ഷ വിധിച്ചു. പ്രതികളായ ബാവീഷ് പട്ടേൽ, ദേവേന്ദ്ര ഗുപ്ത എന്നിവർക്കാണ് ശിക്ഷ. കേസിലെ മറ്റൊരു പ്രതിയായ സുനിൽ ജോഷി വിചാരണക്കിടെ മരിച്ചിരുന്നു. അന്ന്
ഇന്ത്യൻ മുജാഹിദീൻ ഏറ്റെടുത്തതായി
രുന്നു, ഇന്ന് ശിക്ഷിച്ചത് RSS കാരെയാണ്!
അപ്പൊ രണ്ടും ഒന്നാണെന്ന് മനസ്സിലാക്കാം.
<><><><><><><><><><>
സുലൈമാൻ പെരുമുക്ക്‌